Bu video darslar seriyasi ArcMap dasturida Landsat 8 sun'iy yo‘ldosh tasvirlari bilan ishlashni o‘rganish uchun qo‘llanma hisoblanadi. Darslar sun'iy yo‘ldosh suratlarini tahlil qilishga qiziqqan boshlang‘ich darajadagi foydalanuvchilar uchun mo‘ljallangan. Ushbu darslarda siz Landsat 8 tasvirlarini qanday olish, ularga ishlov berish va ma'lumotlarni vizualizatsiya qilish jarayonlarini bosqichma-bosqich o‘rganasiz.

Kurs mazmuni quyidagi amaliy jihatlarni o‘z ichiga oladi:

• Landsat 8 tasvirlarining band tuzilishi va ular qanday ma'lumotlarni ifodalashini tushunish.
• Earthexplorer platformasidan foydalanish orqali sun'iy yo‘ldosh suratlarini qidirish va yuklab olishni o‘rganish.
• Landsat tasvirlarini dasturga yuklash va ularga ishlov berish, jumladan, haqiqiy rang (True Color) va soxtalashtirilgan rang (False Color) kompozitsiyalarni yaratish.
• Rastr fayllarni kesish, birlashtirish (Mosaic raster), va NDVI kabi indekslar orqali geografik hududlarni tahlil qilish.
• Tasvirlarni vizualizatsiya qilish va ranglar klassifikatsiyasini o‘zgartirish orqali ma'lumotlarni yanada tushunarli ko‘rinishga keltirish.

Darslarda nazariy ma'lumotlar amaliy mashg‘ulotlar bilan birga berilgan bo‘lib, har bir qadamni dasturda qay darajada oson amalga oshirish mumkinligi ko‘rsatiladi. Har bir darsga tegishli materiallar va yo‘riqnoma havolalar orqali taqdim etilgan.

Bu darslar nafaqat dasturiy bilimlaringizni oshirishga yordam beradi, balki sun’iy yo‘ldosh ma’lumotlarini geografik tahlillarda qanday qo‘llashni o‘rganishingizga ham yordam beradi. Landsat 8 suratlari bilan ishlash tajribangizni rivojlantirish orqali siz GIS bo‘yicha yangi ko‘nikmalarni egallaysiz va bu sohada samarali ishlashingizni ta'minlaysiz.

Darslar youtubega joylangan bo'lib quyida darslar ro'yxati berilgan:

1-dars: Landsat 8, bandlari haqida

2. Earthexplorer saytidan ro'yxatdan o'tish

3. Kosmik suratlarni yuklash

4: True color, False color bilan ishlash

5-dars: Rastrlarni kesib olish

6-dars: Rastrlarni Qo’shish (Mosaic raster)

7-dars: Amaliy mashg'ulot

8-dars NDVI indexi bilan ishlash

9-dars: Visualizatsiya va ranglar klassifikatsiyasi

Qo‘shimcha imkoniyatlar:

• Darslar Telegram kanalida (@geoinfouz) va YouTube platformasida (@geoinfouz) bepul mavjud.
• Geoinformatsion tizimlar bo‘yicha kurslar va boshqa resurslar uchun Telegramdagi alohida guruhga (Kurslar) qo‘shilishingiz mumkin.
• Saytdan qo‘shimcha maqolalar va o‘quv materiallarini o‘qish: GeoInfo.uz, GISDEV.uz